Беларусы выйшлі на трэцяе месца па колькасці атрыманых упершыню ВНЖ у Еўрасаюзе 149 тыс. На першым месцы – грамадзяне Украіны (875,8 тыс.), на другім – Марока (150 тыс.). За беларусамі ідуць грамадзяне Індыі (111 тыс.), Расіі (87 тыс.) і інш.

Паводле Еўрастата, колькасць беларусаў, якія атрымалі першы выгляд на жыхарства ў ЕС у 2021 годзе, вырасла больш чым у два разы ў параўнанні з 2020 годам. Тады такія дазволы атрымалі 63,5 тыс. нашых суайчыннікаў.

Больш за ўсё ВНЖ беларусам выдала Польшча – амаль 131 тыс. ВНЖ ў Літве атрымалі 9,2 тыс. беларусаў, у Чэхіі – 1, 8 тыс., Латвіі – 948 чалавек, Іспаніі – 737 чалавек.

Амаль палова беларусаў (47%) атрымалі ВНЖ для працы, 45% – па іншых прычынах. 5% ВНЖ былі выдадзеныя беларусам для вучобы, 4% – па сямейных прычынах.