Прэм’ера фільма аб прааваабаронцах, якія былі вымушаны пакінуць Беларусь, «Ня быць скотам» адбылася на YouTube-канале «Маланка.Медыя».

Фільм распавядае пра працу ў эміграцыі некалькіх праваабаронцаў Праваабарончага цэнтра «Вясна», якія сталі двойчы бежанцамі. Спачатку праз пераслед яны павінны былі выехаць з Беларусі ва Ўкраіну, а потым вайна іх выгнала ў Літву, піша сайт «Вясны».

Аўтары 20-хвіліннай дакументальнай стужкі плануюць прадставіць фільм на некалькіх міжнародных праваабарончых кінафестывалях. Ён прысвечаны ўсім палітзняволеным праваабаронцам.