Кабінет Ціханоўскай пачаў фарміраваць кадравы рэзерв
16 лістапада 2022
96

Распачата кампанія «Кадравы резерв для новай Беларусі». Аб гэтым заявіў намеснік прадстаўніка Аб’яднанага пераходнага кабінета па транзіце ўлады Юрый Губарэвіч.

Праз стажыроўкі ў краінах ЕС, якія пройдуць пад эгідай Аб’яднанага пераходнага кабінета, мы падрыхтуем прафесіяналаў, што зоймуць дзяржаўныя пасады і будуць ажыццяўляць рэформы”, – паведамляецца ў тэлеграм-канале кабінета.

Там жа адзначаецца, што для да канфідэнцыйнага ўдзелу ў навучанні запрашаюць дзейных чыноўнікаў, якія не згодныя з рэжымам, а таксама беларусаў, якія з’ехалі з Беларусі па палітычных матывах.

Мы паклапоцімся пра бяспеку захавання асабістых звестак усіх удзельнікаў, асабліва тых, хто знаходзіцца ў Беларусі”, – абяцаюць у кабінеце Святланы Ціханоўскай.

Для набору ўдзельнікаў “Кадравага рэзерву” створана інтэрнэт-платформа, дзе можна запоўніць заяўку для ўдзелу.

14 лістапада 2022 года стала вядома, што прадстаўнік Аб’яднанага пераходнага кабінета па транзіце ўлады Павел Латушка прызначыў сабе двух намеснікаўАрцёма Праскаловіча і Юрыя Губарэвіча. Праскаловіч будзе адказваць за юрыдычныя пытанні ў справе пераследу прадстаўнікоў рэжыму Лукашэнкі на падставе міжнароднага права. Губарэвіч – пытаннямі падрыхтоўкі кадравага рэзерву для новай Беларусі.