Лукашэнкаўскія паралімпійцы засталіся за дзвярыма Міжнароднага паралімпійскага камітэта
17 лістапада 2022
150

Міжнародны паралімпійскі камітэт (МПК) большасцю галасоў прыпыніў членства Паралімпійскага камітэта Беларусі. Тое ж самае адбылося і ў дачыненні паралімпійцаў з Расіі.

Рашэнне аб прыпыненні членства лукашэнкаўскіх паралімпійцаў было прынята на пазачарговым пасяджэнні генеральнай асамблеі МПК у Берліне. За яго выказаліся 54 краіны, супраць — 45, яшчэ 18 устрымаліся.

У паведамленні МПК гаворыцца, што Беларусь не здольна выконваць свае абавязацельствы як член арганізацыі ў адпаведнасці з яе статутам, распавядае тэлеграм-канал “Позірк”.

Беларускі паралімпійскі камітэт пазбаўляецца ўсіх правоў у межах МПК, у тым ліку права на абскарджанне, піша тэлеграм-канал Athletes for Freedom.

Членства Расіі ў МПК прыпынена з-за вайны гэтай краіны супраць Украіны. Лукашэнкаўскія ўлады падтрымліваюць гэту вайну.