Полк Каліноўскага запрашае танкістаў і механікаў
28 студзеня 2023
208

Полк імя Кастуся Каліноўскага, які ваюе ў складзе Ўзброеных сіл Украіны, пачаў фарміраванне механізаванага падраздзялення.

Мы фармуем механізаванае падраздзяленне! Гэта значыць нашая барацьба з акупантамі будзе яшчэ больш эфектыўнай, унёсак у перамогу Украіны яшчэ большы, а вызваленне Беларусі яшчэ хутчэйшае!” – паведамляецца ў тэлеграм-канале Палка.

У сувязі з фармаваннем новага падраздзялення там набіраюць танкістаў і механікаў. “Калі ты валодаеш дадзенай кваліфікацыяй – далучайся да нас і дасылай заяўку ў наш чат-бот з пазнакай #танкіст”, – гаворыцца ў паведамленні.

Краіны, якія падтрымліваюць барацьбу Ўкраіны з расійскімі захопнікамі паабяцалі перадаць ёй 321 танк, паведамляе УНІАН.

Раней у студзені 2023 года Полк імя Кастуся Каліноўскага абвесціў аб чарговым наборы спецыялістаў у сферы сувязі. Таксама ў той жа час быў абвешчаны набор кіроўцаў.

У верасні 2022 года Полк Каліноўскага абвяшчаў аб наборы ў сваю медыцынскую службу лекараў агульнай практыкі альбо тэрапеўтаў, псіхіятраў альбо псіхатэрапеўтаў.

Фота: УНІАН