Свабодны спартсмен Віталь Гуркоў перамог у чэмпіянаце Ўкраіны па тайскім боксе
16 кастрычніка 2022
180

Свабодны беларускі спартсмен і галоўны трэнер украінскай жаночай зборнай па муай-тай Віталь Гуркоў стаў пераможцам у чэмпіянаце Ўкраіны па тайскім боксе.

Наш суайчыннік перамог у катэгорыі да 81 кілаграму. Чэмпіянат праходзіў у Адэсе з 13 па 16 кастрычніка 2022 года, паведамляе ўкраінская «Трыбуна».

Гуркоў — прафесійны баец, 12-разовы чэмпіён свету па муай-тай, заслужаны майстар спорту. У 2020 годзе праз пагрозу пераследу пераехаў у Кіеў.

Таксама ён уваходзіць у склад спецыяльнай камісіі падтрымкі палка “Пагоня”, у якім беларусы змагаюцца на баку Ўкраіны з расійскімі акупантамі.

Фота і відэа: тэлеграм-канал Athletes for Freedom