У Беластоку беларускае консульства апынулася на вуліцы Вольнай Беларусі
26 верасня 2022
161

Гарадская рада Беластока прыняла рашэнне аб перайменаванні часткі вуліцы Электрычнай, дзе знаходзіцца Генеральнае консульства РБ, у вуліцу Вольнай Беларусі.

За прапанову аб перайменаванні прагаласавалі 18 радны, трое было супраць, а сямёра ўстрымаліся, перадае “Радыё Рацыя”.

Беларускае консульства знаходзіцца непадалёк ад гістарычнага цэнтра Беластока. Каля яго праходзяць большасць акцый, якія ладзіць беларуская дыяспара. Уласна вуліца Электрычная – гэта невялікая ціхая вуліца з невысокімі будынкамі.

Мы вельмі ўдзячныя уладам Беластока за падтрымку і салідарнасць!” – піша тэлеграм-канал інтэрнэт-выдання дыяспары “Мост”.

Раней у гонар запланаванай 7 жніўня 2022 года беларускай дыяспарай у польскім Беластоку маніфестацыі «Марш годнасці», мясцовыя ўлады даслалі прывітанне і вывесілі бел-чырвона-белыя сцягі.