У ПАРЕ хочуць стварыць міжнародны трыбунал па злачынствах Лукашэнкі
31 кастрычніка 2022
155

Камітэт па палітычных пытаннях і дэмакратыі Парламенцкай асамблеі Рады Еўропы (ПАСЕ) аднагалосна ўхваліў праект рэзалюцыі па стварэнні спецыяльнага міжнароднага трыбунала па злачынствах супраць чалавечнасці, учыненых рэжымам Лукашэнкі супраць беларускага народа.

Лукашэнку і яго атачэнне абвінавачваюць у дапамозе агрэсіі Расіі супраць Украіны і злачынствах супраць народа Беларусі, якія разглядаюцца як злачынствы супраць чалавечнасці. Пра гэта распавёў у сваім YouTube-канале прадстаўнік Аб’яднанага пераходнага кабінета Павел Латушка

Як прадстаўнік Аб’яднанага пераходнага кабінета Беларусі, які адказвае за пытанні міжнароднага крымінальна-прававога ціску на Лукашэнку і яго саўдзельнікаў, выказваю надзею, што рашэнне аб стварэнні Міжнароднага трыбунала будзе падтрымана падчас бліжэйшага пасяджэння Парламенцкай асамблеі Рады Еўропы”, – заявіў ён.

Павел Латушка падзякаваў літоўскай дэлегацыі ў вышэйазначаным камітэце і ўсім сябрам Беларусі за адзінагалоснае галасаванне за праект рэзалюцыі. Дакумент павінен быць разгледжаны, паводле палітыка, на бліжэйшым пасяджэнні ПАРЕ.

Нагадаем, што ў верасні 2022 года стала вядома пра прапанову Святланы Ціханоўскай стварыць у Радзе Еўропы кантактную групу па супрацоўніцтву з беларускім грамадствам. Прапанова, як паведамлялася, была падтрымана еўрапейскімі чыноўнікамі.

Фота і відэа: “Цензор.net” і YouTube-канал Паўла Латушкі