Полк імя Каліноўскага атрымаў сцяг ад Рады БНР прадстаўніку палка імя Кастуся Каліноўскага, які ваюе ва Ўкраіне. Падзея сімвалізавала пераемнасць і перадачу баявога духу паўстанцаў 1863 года.

Перад уручэннем сцяга, якое адбылося ў на імшы ў Катэдральным саборы ў Вільні 9 жніўня 2022 года, сябра Рады БНР Паліна Прысмакова прачытала зварот да каліноўцаў старшыні Рады БНР Івонкі Сурвілы.

«Я захопленая вашаю адвагаю і вашай верай у найбольшую чалавечую каштоўнасьць, якою ёсьць Свабода. Бароніце вы яе для ўсіх нас. Змагаецеся сёньня з самым лютым ворагам ня толькі Ўкраіны, але і беларускага народу. Гэты вораг — расейская імпэрыя, якая стагодзьдзямі зьнішчала імкненьне народаў да свабоды, да волі, да незалежнасьці. Пасьля ўсіх страшных бедаў, якія перажыло чалавецтва за мінулае стагодзьдзе, Расея зноў разьвязала крывавую вайну, імкнучыся рабаваць і забіваць сваіх суседзяў», – адзначае Сурвіла.

«Ваш полк з гонарам нясе імя Кастуся Каліноўскага. Героя, які аддаў жыцьцё за Беларусь і запаліў у нашым народзе волю да свабоды, якую з тых часоў ужо нікому не ўдалося загасіць. Для Рады БНР ёсьць вялікім гонарам уручыць вам баявы штандар і такім чынам выказаць вам удзячнасьць і дабраславеньне ад беларускага народу, вольным голасам якога Рада Беларускай Народнай Рэспублікі ёсьць ўжо болей за стагодзьдзе», — сказана ў звароце.

«Малю Ўсемагутнага за нашую агульную перамогу і каб апекаваўся кожным і кожнай з вас, пакуль ня вернемся ўсе разам у сваю родную Беларусь. Памажы вам Божа! Жыве Беларусь! Слава Ўкраіне!» — гаворыцца ў звароце, размешчанам на сайце «Радыё Рацыя».

Фота: «Радыё Рацыя»